Home > අලුත උපන් ළදරැවා > ඔබ දන්නවාද? මව්කිරි ගැන….

“ලේ කිරි කර පොවා මා ඇති දැඩි කළ අම්මා” යන්න අපි කොතෙකුත් අසා ඇති. සැබවින්ම මව්කිරි නිපදවෙන්නේ මවගේ රුධිරයෙනි. මව්කිරි ජීවී දියරයක් ලෙස හැඳින්වෙන්නේ රුධිරයේ අන්තර්ගත රක්තාණු හැර සුදු රුධිරාණු ඇතුළු අනෙකුත් ජීවී සෛල සියල්ල එහි අඩංගු වන නිසාය. කුස තුළ සිටියදී පෙකණිවැල හරහා මවගෙන් ලබාගත් පෝෂණය මෙලොවට බිහිවීමත් සමගම නතර වන අතර ඉන් ඉදිරියට දරුවෙකු පෝෂණය වන්නේ මව්කිරෙනි.දරුවා තනන, දරුවා රකින, දරුවා පෝෂණය කරන, දරුවාට ලැබෙන ආදරය

මව්කිරිය. ඔබේ ළදරුවාට මාස 6 සම්පූර්ණ වන තෙක් මව්කිරි පමණක්ම ලබාදීම ඉතා වැදගත් වන අතර එම කාලයේදී කිසිදු පානයක් ලබාදීම නොකළ යුතුයි. එමෙන්ම, වෙනත් විටමින් වර්ග, ඛනිජ ලවණ හෝ වෙනත් බෙහෙත් වර්ග ලබාදීමද අවශ්‍ය නොවනු ඇත. මව්කිරි මගින් ශරීරයෙ හා මොළයේ වර්ධනයට අවශ්‍ය සියලුම පෝෂක වර්ග සපයයි. එමගින් දරුවාගේ බුද්ධි වර්ධනයත්, කායික වර්ධනය ඉතා හොඳින් සිදු වී නිරෝගී බව සුරැකේ. ඉපදීමෙන් පළමු පැයේදී මව්කිරි දීම ආරම්භ කළයුතු අතර නවජ මරණ 27%කින් ආරක්‍ෂා කිරීමේ හැකියාව පළමු පැය තුළ මව්කිරි දීම මගින් සිදු කළ හැකිය. ළදරුවාගේ පෝෂණය තහවුරු කිරීමට මව්කිරි හොඳ සාධකයක් වේ. සම්පූර්ණ වශයෙන් මව්කිරි දීම නිසා ළදරුවාට මනා ප්‍රතිශක්තිකරණයක් ඇති වේ. මුල් අවධියේ මව්කිරි බොන දරුවන්ගේ ප්‍රතිරෝධක ශක්තිය වේගවත්වීම හා ප්‍රතිශක්තිකරණ සංරචක වලින් පොහොසත්වීම සිදුවේ. මවුකිරි දීම තුළින් උණුසුම හා ආරක්‍ෂාව ප්‍රවර්ධනය වන බැවින් මිය යෑමේ අවදානම අඩුවේ. දරුවාට වයස අවුරුදු 2 දක්වා අමතර ආහාර සමගද මව්කිරි නොකඩවා ලබාදීම අත්‍යවශ්‍ය වේ.

#babyandmother #sinhalamawkiriarticle #sinhalaarticle #srilankamawkirisinhalaarticle #women

note

You may also like
ගර්භණි අවධියේ පැපොල රෝගය අවදානම්ද?
පශ්චාත් ප්‍රසව ආතති තත්ත්වයක ඇති වීමට පසුබිම් විය හැක කරුණු.
මව්කිරි දීමේ ඇති වාසි
ප්‍රසුතියේ නිලාරම්භය
error: Content Protected © mummypages.lk